Covid-19ak langileek eta enpresak zuten negoziketa eten zuen, baina langileek azaldu dutenez, duela egun batzuk enpresak soldata igo zien "komitearekin hitz egin gabe" eta "egun batetik bestera". Langileek, ELA sindikatuak babestuta, enpresaren jarrera salatu dute: "Honek guztiak intentzio argi bat dauka: langileek duten negoziazio eskubidea oztopatzea, eta kolektiboa isilaraztea miseria baten truke".
Langileek "lan-baldintza duinak" aldarrikatzeko mobilizazioa egin zuten atzo arratsaldeko 17:30ean, eta bertan bizi duten egoera ere salatu zuten. Langileen iritziz, besteak beste, Aita Mennin langile-falta dago, eta horrenbestez, lan zama areagotu zaiela diote. Hala, hau "momentu ona" dela iritzi dute mobilizazioak egiteko: "Inoiz baino argiago geratu da gure lanak gizartearentzat duen garrantzia, eta horrek gure aldarrikapenak indar handiagoz bultzatzera garamatza".
Aita Mennik bestalde, oraindik ez du gaiaren inguruko jarrerarik azaldu.