Unibertsitate onenen artean kokatu du U-Multirankek Mondragon Unibertsitatea

U-Multirank mundu mailako ranking handiena eta zehatzena da eta mundu mailako 1.800 unibertsitateren ikerketa, dozentzia, ezagutzaren transferentzia nazioartekotasuna eta inguruarekiko lotura aztertzen ditu. Gauzak horrela, Mondragon Unibertsitatea, rankineko 5 dimentsioetako 10 parametroetan bikain kalifikazioa lortu duen estatuko bost unibertsitateen artean dago.

Ezagutzari dagokionez, estatu mailan, Mondragon Unibertsitateak hirugarren postua lortu du. Rankinaren arabera, unibertsitatea bikaina da eskualde-garapenarekiko konpromisoan eta ekarpenaren dimentsioan. Ikerketan ere bikain kalifikazioa lortu du, ikerketarako kanpo finantziazioa lortzeko duen ahalmenagatik, hain zuzen. Horrez gain, unibertsitatea bikain gisa sailkatu dute nazioarteko orientazioaren dimentsioan. Azkenik, irakaskuntzari eta ikaskuntzari dagokionean, jasotako kalifikazioa oso ona izan da eta masterretako graduazio-tasaren ratioa eta graduko egokitasun-tasa azpimarratu dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.