Martxoaren 28an jardunaldiak egitekoak ziren Durangon, baina atzeratu egin behar izan zuten. Maiatzaren 9an ere ez zuten aukerarik izan aurrera eramateko eta beste formatu batean, online, egitea erabaki dute orain. Maiatzaren 26an arratsaldeko 18:00etan egingo dute Oinherrien jardunaldi digitalak youtubeko kanalaren bidez.
Jardunaldien lehen zatian, Oinherri zer den eta herri hezitzaileen filosofiaren giltzarriak landuko dituzte. Ondoren, filosofia honekin bat egiten duten herrien arteko mahai-inguru bat egingo dute; filosofia honetan lan egiteak zer suposatzen duen gertuagotik ezagutzeko. Oñati eta Bergara, esaterako, Oiherriko kide dira.
Jardunaldi hauetan parte hartzeko izen ematea zabaldu dute eta gonbidapena luzatu herrietako eragile ezberdinei.