Behi talde batek ikusmina sortu du gaur goizean Aretxabaleta aldean. Lehenengo, Arizmendi ikastolako Almen ikastetxe inguruan ibili dira, eta goiz erdian, Arrasateranzko bidea hartu dute errepide erdi-erditik. Sustotxoren bat izan arren ez da zauriturik izan. Hori bai, herritarrek gertaeraren bideoak grabatu dituzte eta sare sozialetan bolo-bolo zabaldu dira.
Aretxabaletako udaltzaingoak jakinarazi du, 09:00ak aldera sei behi zeudela Almen ikastetxeko futbol-zelaian. Inguruko zelai batera eraman dituztela adierazi dute baina handik ere alde egin dute.
Hala, 11:00ak aldera, GI-627 errepidean ikusi dituzte behiak, Aretxabaleta eta Arrasate arteko saihesbidean, alegia. Behiek ez dute inor zauritu, baina arazoak eragin dituzte zirkulazioan. Azkenik, 12:00ak aldera animaliak gelditzea eta zelai batera eramatea lortu dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.