Ikasle Babes Sarearen bitartez ikasleei ikasketekin aurrera jarraitzeko samurtasunak jarri nahi zaizkie

Unibertsitateko Indar Batasunak martxan jarri duen Ikasle Babes Sareak ikasleak lagundu nahi ditu alarma egoera honetan. Ikasketekin aurrera jarraitzeko samurtasunak jarri dituzte: alde batetik, ikasketa-laguntza eskaintzen dute; eta, bestetik, apunte-bankua.

Ikasleen beharrak asetzeko jarri dute martxan Ikasle Babes Sarea. Bi laguntza mota eskaintzen dute: batetik, ikasketa-laguntza eta bestetik, apunte-bankua.

Ikasketekin dituzten zalantzak argituz

Bigarren hezkuntzako –DBH eta Batxilegoa– eta unibertsitateko ikasleei ikasketekin dituzten zalantzak argitzeko ikasketa-laguntza da eskaintzen dutena. Horretarako, unibertsitateko ikasle talde bat hainbat irakasgai lantzen ari dira, laguntza eman ahal izateko. Fisika, kimika, teknologia, marrazketa teknikoa, biologia, geologia, matematika –gizarte zein zientzien arlokoa–, euskara, gaztelania, ingelesa, frantsesa, latina, grekera, filosofia, historia, artearen historia, ekonomia eta geografia izango dira ikasgaiak. Laguntza behar duenak uibnazionala@gmail.com helbidera idatz dezake, edo 688 64 66 97 telefono zenbakira deitu; bestalde, Twitter (@UIBnazionala) edo Instagram (@uib_nazionala) sare sozialetara ere idatz daiteke.

Apunte-bankua osatzen

Bestetik, apunteen bankua osatzeko hainbat ikasgaietako apunteen bilketa egiten ari dira IBSko kideak, ikasteko materiala edonorentzat Interneten eskuragarri jarri ahal izateko. Apunte-banku hau aurrera eraman ahal izateko garrantzitsua da mezua zabaldu eta aukera duenak ekarpena egitea uibnazionala@gmail.com helbidera idatzita.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.