Industria digitala programak 2,3 milioi eurotik gorako aurrekontua du aurten, eta Eskualdeen Garapenerako Europako Funtsak (FEDER) kofinantzatzen du estaliko diren zenbatekoen %50 jarrita.
Ekimen horren helburua da Elektronika, Informazio eta Komunikazio Teknologiak (EIKT) txertatzen laguntzea industri arloko enpresatan baita produktuen prozesuarekin lotutako zerbitzu teknikoetako, diseinuko eta logistikako enpresatan ere, horren helburua izanik enpresaren lehiakortasuna hobetzea.
Sektore ezberdinetako enpresek egin ahal izango dute eskaera, besteak beste, adimen artifiziala, errealitate birtuala, merkataritza elektronikoa eta enpresaren kudeaketa aurreratuko sistemak lantzen dituztenek.
Laguntzak % 25 eta % 50 bitartekoak izan daitezke enpresaren tamainaren arabera, eta orain egindako aldaketarekin telelana ere sartu da diruz lagundu daitezkeen kontzeptuen artean. Hori izango da aholkularitzarako, ingeniaritzarako eta hardware zein software erosketetarako gastuak ordaintzeko.
