Bergaran grabatzekoak ziren Kantari saioak bertan behera

Koronabirusa dela eta, asteburuan Bergaran grabatzekoak ziren Kantari saioak bertan behera uztea erabaki du Goiena Komunikazio Taldeak, prebentzio neurri moduan. Eusko Jaurlaritzaren protokoloa oinarri, badaezbada, erabaki hori hartu du Zuzendaritza taldeak gaur goizean.

Neurri hau hartu izanak, baina, ez du esan nahi ez direnik egingo. Udalarekin beste data bat adostuko du lantaldeak eta denboraz jakinaraziko die parte-hartzaileei noiz egingo diren asteburuan grabatzekoak ziren emanaldiak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.