Seigarren denboraldia bizi du aurten Galdegazte saioak. Seigarren urtez jarraian, Debagoieneko hamar ikastetxetako 14 eta 17 urte arteko ikasleek kazetari lanetan jarduteko aukera izango dute. Betiere, ikasleen intereseko gonbidatuekin, honako izen hauek aurreratzeko moduan daude: Mireia Gabilondo zuzendari eta aktore bergararra, aurten pilotari profesional izateari utzi dion Aitor Mendizabal antzuolarra eta bailarako Aratuste-zale ezagunena izateaz gain beste hainbat aurpegi azaleratuko dituen Ibai Zangitu aretxabaletarra, besteak beste.
Platotik haragoko lanak
Platoko elkarrizketaz gain, ikasleek bestelako lan batzuk ere izango dituzte aurtengo saioan eta dekoratuan ere izango da nobedaderik. Aldatu ez dena da hasierako helburua: egun batez bada ere bailarako nerabeak kazetari sentiaraztea, telebista plato baten egoteak dakarren guztiarekin. Eguaztenetan ikusi ahal izango da, 21:30ean.
