Julen Kortabarria, Alkideba Ointxe taldeko jokalaria pozik azaldu da partidua irabazi izanagatik, "Oñatin irabaztea zaila" delako. Horrekin batera aipatu du, atsedenaldian markagailua aurka izan badute ere, azken ordu erdian defentsan hobera egin dutela.
Aitor Barreiro, Mekalki Aloña Mendiko jokalariak, bestalde aipatu du, partidua ondo hasi dutela, minutuak aurrera joan ahala "trabatu" egin direla eta azkenean, arrasatearren defentsa gogorrak kalte egin diela. Hala ere, egindako lanarekin gustora agertu da Barreiro.
