'Lur eta Amets', Euskal Herriko abentura filma zinemetara iritsi da

Hau bai abentura! Lur eta Amets abentura filma zinemarik zinema dabil otsailaren 7az geroztik. Imanol Zinkunegik eta Joseba Poncek zuzendutako pelikulan, Lur eta Amets anai-arrebak Euskal Herriko garai ezberdinetan murgilduko dira Baltaxar katuarekin eta Amona Andererekin batera.

2015ean sortutako proiektua

Lur eta Amets proiektua 2015ean sortu zuten Ikastolen Elkarteak, Katxiporretak eta Elkar argitaletxeak, "gure herriaren historiaren irakurketa geure ikuspuntutik berreraiki eta eskuragarri jartzeko" asmoz, eta hori landu zuten ezagutza liburuarekin, ipuin sortarekin eta ondoren etorri zen galdera-erantzun mahai jokoarekin.

Oñatin eta Arrasaten asteburuan

Pertsonaiek bizia hartu dute gero, eta Euskal Herria autobus magiko batean zeharkatu dute abendutik otsaila artean; guztira, hamaika geldialdi egin dituzte familia eta lagun artean "lur eta ametsen abenturak" partekatzeko. Durangon, Arrasaten, Altsasun, Eibarren, Gasteizen, Getxon, Iruñean eta Donostian izan dira, besteak beste, filmaren protagonistak, eta harrera ezin beroagoa egin diete antzoki eta areto guztietan. Orain, berriz, pantaila handira egin dute salto eta zinematan topatuko dituzte neska-mutikoek.

Oñatiko zine aretoan eta Arrasateko Amaia Antzokian asteburu honetan ikusi ahal izango da filma. Oñatin, otsailaren 15ean eta 16an izango dira emanaldiak (17:00). Arrasaten, berriz, otsailaren 15ean (19:30) eta otsailaren 16an (20:30).

Erlazionatuak

Bihar helduko da zinema aretoetara 'Lur eta Amets' animaziozko pelikula

Debagoiena

Lur eta Amets anai-arrebak bikien abenturak kontatzen dituen filmaren zuzendariek, Imanol Zinkunegik eta Joseba Poncek azaldu dituzte pelikularen n...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.