Oraingoz, Realeko eta Athleticeko zaleek oraingo domekako derbiarekin (Reale Arena, 14:00) konformatu beharko dute bi taldeak elkarren kontra jokatzen ikusteko. Izan ere, Real Madrid eta Bartzelona kanporatu eta gero, bi talde horiek beste kanporaketa bat gainditu beharko dute ostera ere aurrez aurre egoteko. Finalerdietara iritsi dira, baita ere, Mirandes eta Granada, eta bi talde horien kontrako kanporaketa biek uste baino arrisku handiagoa dute.
Oraindik ordutegiak zehaztu ez badituzte ere, datorren astean jokatuko dute joanekoa –Reale Arenan izango da– eta itzulerakoa martxoaren 4ko astean izango da.
Emakumezkoek, Superkopako finala, domekan
Bestalde, Realeko emakumezkoek bigarren urtez historia egin ahal izango dute, Superkopako finala jokatuko dute-eta salamancako El Helmantico futbol zelaian domekan (12:00) Bartzelonaren kontra. Sarrerak hemen dituzue salgai.