Lehenengo zatian jaun eta jabe izan da Antzuola. Bizpahiru gol egiteko adina aukera garbi izan dituzte, baina Markel Unamunoren golarekin baino ez dira joan aldageletara.
Bigarren zatian aldatu egin da gauza, eta kategoriako liderrak estutu egin ditu gorriak. Goiz egin dute berdinketa, eta bigarrena ere iritsi da, etxekoek atzealden egindako huts bategatik.
Neurketa amaitzear, baina, penaltia adierazi du epaileak Antzuolaren alde, eskuagatik, eta Mikel Canelok egin du binakoa.
Jokaldi horren ondorioz sortutako zalapartan, gainera, epaileak egotzi egin du Beasaingo atezaina. Hala ere, Antzuolak ez du beste ezertarako denborarik izan.
Aloña Mendik irabazi
Zuri-urdinen garaipena eragotzita, antzuolarrek mesede egin diote Aloña Mendiri. Oñatiarrek 0-1 irabazi dute Soraluzen, eta Beasainek lider jarraitzen duen arren, puntu bakarrera jarri da Aloña Mendi.