Bilketa hiru lekutan egin dute Aita Menniko kideek: Arrasaten, Durangoko Jose Miel Barandiaran egoitzan eta Bilboko Txurdinagako egoitzan. Jasotako hori guztia datozen egunotan bidaliko dute Greziara, eta bidaltze kostuen kargu ere Aita Menni egingo da.
Jasotako erantzunarekin "eskertuta"
Aita Menni ospitaleko elkartasun arduradun den Egoitz Zabala eskertuta agertu da: "Laguntza eman duten guztiak eskertu gura ditut beste urte batez: ospitaleko lankideak, boluntario lanetan jardun dutenak, egoiliarrak eta horien senideak, Ahizpa Ospitalarioen komunitate osoa (Aita Menni bertako kide izanik) eta komunitateko kide izan gabe ere bere laguntzatxoa ematera gerturatu diren norbanakoak. Eta era berezian eskertu gura dut jasotakoa dagokion lekura iristeko Benito Menni Fundazioak emandako laguntza ekonomikoa".
Zaporeak elkartea errefuxiatuen kanpamentuetan egiten dabilen lana eskertu eta txalotu du Zabalak: "Baztertutako pertsonarik ez dagoen mundu bat eraikitzen jarrai dezagun, gerraren ondorioz etxea eta senideak utzi eta inork itsasoratu beharrik izango ez dezan mundu bat hain zuzen ere".
