Pelikula Onena izendatu dute 'La trinchera infinita' Forque Sarietan

Argazkia: Forque Sariak, Twitter

Aitor Arregi oñatiarrak, Jon Garañok eta Jose Mari Goenagak zuzendu duten filma Pedro Almodovarren eta Alejandro Amenabarren azken lanei gailendu zaie.

Atzo banatu zituzten, Madrilen izan zen ekitaldian, 25. Forque Sariak, eta Aitor Arregik, Jon Garañok eta Jose Mari Goenagak Zuzendutako La trinchera infinita-k eskuratu zuen bertan 2019ko Fikziozko Pelikula Onenaren saria. Pedro Almodovarren Dolor y gloria, Alejandro Amenabarren Mientras dure la guerra eta Oliver Laxeren O que arde ziren beste hautagaiak.

La trinchera infinita-ren hiru zuzendariak izan ziren atzoko ekitaldian, eta esker oneko hitzak izan zituzten bai haien familientzat eta baita pelikulako protagonista Antonio de la Torre eta Belen Cuestarentzat ere.

Egeda erakundeak banatzen ditu Forque Sariak, eta irabazleek, garaikurrarekin batera, 30.000 euro jasotzen dituzte

Urtarrilaren 25an, Goya Sariak

Bi aste baino gutxiago geratzen dira 34. Goya sariak banatzeko. Urtarrilaren 25ean izango da hori, eta La trinchera infinita-k 15 izendapen ditu; besteak beste, Pelikula Onenaren eta Zuzendari Onenaren sarietarako.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete