Aloña Mendiko, Bergarako, Arrasateko, Antzuolako eta Aretxabaletako bikoteek hartuko dute parte txapelketan. 2. urteko alebinetan 50 bikotek eman du izena, eta 9 multzo osatu dituzte. Infantiletan, ostera, 34 bikote lehiatuko dira 1. mailan, 6 multzotan banatuta; eta 47 bikote 2. mailan, 9 multzotan.
Txapelketari aste bukaeran ekingo diote eta itzuli bateko ligaxka jokatuko dute otsailaren 9a bitartean. Multzo bakoitzean 1. eta 2. postuan sailkatzen diren bikoteek Gipuzkoako Txapelketa jokatuko dute gero, eta 3. postutik 6.era bitartekoek eskualdeko txapelketak.
Bigarren faseari otsailaren 16ko aste bukaeran emango diote hasiera eta ligaxka martxoaren 5ean bukatuko dute. Finalerdiak martxoaren 22an jokatuko dituzte eta finalak martxoaren 29an.