Gomiztegiko Artzain Eskolaren sustatzaile nagusia dela adierazi du ENBAk, beti artzaintzaren alde lanean: "Artzainen ogibide eta bizimodu duina aldarrikatu eta landu, artzainen formazioa lehenetsi eta etorkizunari begirako oinarriak ipini asmoz, Gomiztegiko Artzain Eskolaren sustatzaile nagusia izan dela esan dezakegu. Artzaina, latxa ardia eta gazta izan dira bere jomugak eta helburuak lortzeko lan bikaina egin du".
Ogibideaz gain beste balio batzuk ere nabarmendu ditu ENBAk: "Gizon aparta, handia bere osotasunean baina aldi berean umil. Helburuak argi zituenez, oso erraz jakin zuen lantaldeak osatzen bai Arantzazuko anaidian bai Gomiztegin eta sektoreko entitate guztietan. Azpimarratzekoa da ere, protestaren bidea baina lehen sektorea eta erakunde arteko elkarlana bultzatzaile aparta izan dela, lan emankorra garatuz".
Arantzazuko frantziskotar fraidea da Segurola eta elkartea bera ere eskertu gura du nekazarien sindikatuak sariarekin.
