Astelehenean, zaharrak berri izango dira. Goiz partean izotz txikia egingo du barnealdean eta gainerako orduetan, eguzkia; tenperatura maximoak 13 ta 15 gradu artean izango dira.
Urtezahar-gauean goibeltzera
Martitzenean, Urtezahar egunean, fronte baten hondarrak gertura daitezkeela adierazi du Euskalmetek eta eguna argitik hasi arren, lainopean bukatuko dela. Goizak aurrera egin ahala behe-hodeiak ugarituko dira eta arratsalderako giro ilun samarra iragarri du, bereziki Kantauri isurialdean, bertan egunaren amaieran euri-zipriztinak bota ditzake. Haizea mendebaldetik sar daiteke eta ipar-mendebaldetik egunaren bigarren zatian.
Urte berria hasteko euria
Eguaztenean, Urteberri egunean, euri kontuekin jarraituko dela aipatu du Euskalmetek, bereziki Kantauri isurialdean; barnealderantz joz gero euria egiteko probabilitatea txikiagoa izango da. Hodeiei esker gaueko tenperaturak gora egin dezake; eguneko tenperaturak, ostera, berdintsu jarraituko du edo zertxobait beherago.