Gernika, Lauro eta Ointxe A, A multzoan; eta Tabirako, Campus Promete eta Ointxe B, B multzoan. Sei talde horiek aritu ziren nor baino nor atzo arratsaldean Aretxabaletako Ibarra kiroldegian jokatu zen nesken txapelketan; bederatzi partidu izan ziren, orotara.
Gernika nagusi, beraz, Gabonetako txapelketan. Baina bizkaitarren lorpena ez zen horretan geratu. Izan ere, hiruko jaurtiketen txapelketa ere egin zen eta kasu horretan ere jokalari gernikar bat garaile: Maider Elgezabal.
Giro bikaina eta harmailak beteta izan ziren Ibarran. Jokalari zein ikusleek arratsalde ederraz gozatzeko aukera izan zuten.
