Mikel Urdangarin: "Plano oso-oso lagunkoian eta hurbilean izango naiz, gaur, Elgetako Ozkarbi elkartean"

Larraitz Zeberio Lekuona 2019ko abe. 13a, 14:53
Mikel Urdangarin.

Urdangarinek Ozkarbi elkartean eta lagunartean egingo du pianoarekin jendaurrean egiten duen lehen emanaldia. Martxoaren 12an Arriagan egitekoa duen kontzerturako lehen entrenamendua izango da.

"Horrela iritsi zitzaidan gonbidapena Elgetako lagunen partetik eta esan zidaten pianoa ere lortuko zidatela. Plano oso-oso lagunkoian eta hurbilean izango naiz Ozkarbin", esan du.

Arriagarako errepertorioa osatzen ari da oraindik, eta prest duenarekin etorriko da Elgetara. Bere kantutegitik egin du aukeraketa. "Zerbait berria ere sortu dut eta eramango dut, baina kantu gehienak aspaldian entzun gabekoak dira, eta pianoarekin". 

Kontzertua elkarte batean eta lagun artean izanagatik erronka handia dela dio musikariak. "Ez dut inoiz horrelakorik egin. Arriagara beste urduri eta arduratsu helduko naiz Elgetara". 

Pianoa ikasten 

Pianoa ikasten hasi berria da Urdangarin. "Esango nuke nire bizitzako erronka dela. Ez naiz piano-jolea, baizik eta pianoarekin abestu nahi duen kantaria. Nire jomuga kantua da, ez pianoa. Baina pianoak beste sonoritate bat du, eta oso indartsua da. Ez dago instrumentu indartsuagorik. Eta hor nabil, neurria hartzen. Jendeari erakutsi nahi diot zertan nabilen eta nahiko nuke iritziak jasotzea". 

Emanaldia 20:00etan da eta sarrera da 5 euro. Goibeko Euskaltzaleen Topaguneak Ozkarbi elkartearekin elkarlanean antolatutako emanaldia da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak