Honako helburuak ditu hitzaldiak: norberaren osasuna eta segurtasuna zaintzen ikastea, prebentzioa sustatuz; ezbeharren bat gertatuz gero, aholku batzuk argi izatea eta motxilan eramateko botikin baten eredua izatea. Horretarako, mendizaletasuna segurtasunez disfrutatzeko osasun-aholku batzuk emango ditu Serranok, baita ezbeharren bat gertatuz gero nola jokatu jakiteko aholku batzuk ere. Horrez gain, botikin bat nola antolatu azalduko du.
Izena emateko hiru bide daude: besaide@besaide.eus helbidera idatzita, 943 77 30 66 telefonora deituta edo bulegora gerturatuta –jende aurreko arreta zerbitzua martitzen eta eguaztenetan izaten da 19:30etik 20:30era. Debagoiendar guztiei zuzendutako saioa izango da, eta doan.