Gaur egun 21 direla larriki gaixo dauden presoak adierazi du Sarek, eta horiek bizi duten egoera salatu gura izan dute espetxeak ez duelako "behar bezalako osasun-zerbitzua" emateko aukerarik eta "baldintzak oso kaxkarrak" direlako: "Medikuen jarraipena ezin da modu iraunkorrean mantendu, instituzio gisa ez ditu higiene-baldintza egokiak betetzen…". Eta euskal presoei aproposa den artatzea ukatzen dietela gaineratu dute.
Hori horrela, gaixo dagoen Joseba Erostegi Bidaguren Eltzikorta antzuolarra izan dute gogoan. 1997tik dago preso eta 66 urterekin koloneko polipoak ditu. Gainera, Herrera de la Manchan dago, herritik 600 kilometrotara. Hain zuzen horren egoera salatzeko manifestazioa egingo dute gaur, azaroak 29, Antzuolan bertan, 18:30ean.
