Derbi azkarra
Gaurkoa derbi azkarra izan da une oro. Markagailua 13-10 zegoela joan dira jokalariak atsedenaldira. Bigarren zatian, ez da aldaketa handirik izan eta markagailua oso estu egon da bi taldeen artean. Partidua amaitzeko bizpahiru segundu geratzen zirela 25-25 zegoen markagailua, baina etxeko taldeak gola sartu eta Oñatin geratu da derbia.
Garaipen garrantzitsua
Aitor Garcia, Fagor Industrial taldeko entrenatzaileak, honakoa aitortu du partidua amaitzean: "Garaipen garrantzitsua da guretzat, azkenaldian partidu onak egin baditugu ere, emaitzak ez direlako onak izan". Garciak aipatu du gainera, arrasatearren aurkako partiduak beti direla "bereziak" eta "biziak".
Joko aldaketa, bigarren zatian
Josu Herrero, Ford Mugarriko jokalariak ere gaurko partidu berezia izan dela aitortu du. Horrez gain, aipatu du, "bigarren zatian jokoa aldatzea erabaki dugu lehen zatian ez garelako fin ibili. Hala ere, markagailuak erakusten du nolako partidua izan den".
