Mondravember eta Movembergara taldeek antolatu dute irteera, eta asmoa da Elorregira 12:00etarako iristea: hori bai, "era osasuntsuan" iristea dute helburu, Movembergara taldeko kide Joxu Aranak azaldu duenez. Hain zuzen, oinez, bizikletan zein korrika –norberak nahi duen moduan– joan ahal izango da Elorregira.
Elorregin jarraipena
Behin ibilbidea amaituta, Sanprubusean txokolate beroa hartzeko aukera izango da. Horretaz gain, 12:30ean DJ Exhile izango da bertan musika jartzen. Musika entzunez mokadutxoa jan ahal izango da, gainera: txorizo-pintxoak eta salda banatuko dituzte guztientzat.
