Errotzeko bidean doa San Milixan egunez Arrasatetik Leintz Gatzagara arineketan joatea. Arrasateko kuadrilla batek antolatuta, bosgarrenez egin dute, eta aurten aretxabaletarrak eta eskoriatzarrak ere elkartu zaizkie. Eguraldi negargarriarekin beldurtu barik egin dituzte 14 kilometroak euripean, lokatz artean, eta tenperatura baxua lagun.
Hamahiru bat lagun joan dira euripean eta elurra tontorretan ikusten zela: "Hotz galanta egiten zuen, elurra ere jausten zen tarteka, baina ederto pasatu dugu!", adierazi dute. Ibilbidean, gainera, urtero lez, hamaiketakoa eskaini diete Gorosarri landetxean.
Leintz Gatzagara iritsitakoan dutxa beroa hartu eta San Milixan egunez antolatutako ekitaldiekin bat egin dute. Bertan geratu dira bazkaltzen, Leintz Gatzagako adiskideekin batera kontu-kontari eta lagun giroan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.