EAJ garaile Araban, eta oraingoan, alde handiagoa atera dio EH Bilduk PPri

Parte-hartzea gutxien jaitsi den lurraldea izan da Araba, puntu bat pasatxo (%68,20) apirileko hauteskundeekin alderatuta, eta orduan lez, EAJk jaso ditu boto gehien (%23,59). EAJrekin batera Espainiako kongresuan ordezkaritza lortu dutenak izan dira PSE-EE (21,94%), Podemos (16,46%) eta EH Bildu (16,09%). Oraingoan, gainera, alde handiagoa atera dio atzetik geratu den PPri (14,88%).