Espainiako hauteskundeetako boto-paperekin gaizki-ulertua

Arrasateko etxe batean gaur jasotako boto-papera.

Dagoeneko herritarrak hasi dira azaroaren 10eko hauteskundeetarako boto-paperak etxean jasotzen. Hauteskunde Orokorrak Azaroa 19 jartzen du boto-paperetan, eta hain justu, 19 zenbakiak eragin du gaizki-ulertua, hileko egunari erreferentzia egiten diola ulertu baitute askok.

Sare sozialen bidez azkar zabaldu da paper horien bidez botoa emanez gero baliogabe moduan zenbatuko zirela. Baina 19ak urteari egiten dio erreferentzia –2019– eta ez azaroaren 19ari; beraz boto-paperak zuzenak dira eta hala baieztatu du Espainiako Barne Ministerioak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.