Azkeneko jardunaldi feministak duela hamaika urte ospatu ziren Portugaleten. Urte hauetan zehar feminismoak ibilbide luzea egin du eta jardunaldi hauek bizitako esperientziak eta ekarpenak partekatzea eta horien inguruan hausnartzea du helburu.
Bost mahai inguru
Ildo nagusiak mantenduz, bost mahai inguru nagusi egongo dira Durangoko jardunaldietan:
- Azaroak 1, egubakoitzean: Dekolonitatea eta gure bizitzak erdiguneratzeko agenda partekatua eta burujabetzak delakoa.
- Azaroak 2, zapatuan: Gorputzak eta sexualitateak eta indarkeriarik gabeko bizitzak eraikitzen delakoa.
- Azaroak 3, domekan: Mugimendu feministaren erraiei begira delakoa.
Azken egunean, batzar erraldoia egingo dute jardunaldiei itxiera borobila emateko. Egitaraua zabala da; proiekzioak, ikuskizunak, eztabaidak, tailerrak eta ponentziak egongo dira. Asteburuko ekitaldiak eta mahai inguru zentralak streaming bidez ikusteko aukera egongo da.
