Debagoieneko jatetxeak
Oñatiko Goiko Benta, Bergarako Lasa, Arrasateko Hilarion eta Santa Ana eta Elgetako Maialde dira jardunaldi honetan diharduten jatetxeak. Bertan, jardunaldiek irauten duten bitartean menu bereziak izango dira eta bakailaoa, onddoak, sagarra eta eztia izango dira produktu garrantzitsuenak.
Esperientzia gastronomikoak
Epe berean, bisita gidatuak izango dira Debagoieneko hainbat tokitan: Leintz Gatzagako Gatz Museoan, Oñatiko Txokolaitexian eta Gomiztegin, Antzuolako Amatxon eta Eskoriatzako Atxalden, non esperientzia gastronomikoa bizitzeko aukera egongo den.
Ezkutuko altxorrak
Ezkutuko altxorrak ere jardunaldi gastronomikoen baitan egiten diren bisitak dira eta Debagoieneko hainbat herritan egingo dira: Oñati, Aretxabaleta, Eskoriatza, Antzuola edota Leintz Gatzagan.