Ruben Ortiz eta Joanes Bazterrika izan dira 4x4 trialean onenak

Eskoriatzan egindako 4x4 trial txapelketan 25 pilotuk hartu dute esku: "Oso gustura geratu gara, pilotu kopuru polita izan dugu eta jende mordoa etorri zen da ikustera", adierazi dute antolatzaileek. Hala, prototipoen kategorian Ruben Ortiz (Bolkete 4x4) izan da onena, eta kaleko ibilgailuen kategorian Joanes Bazterrikarendako izan da txapela.

Torrebasoko zirkuituan jende asko batu zen zapatuan 4x4 trial txapelketa ikusteko. Guztira 25 pilotu batu ziren –euren kopilotuek lagunduta–, horietako asko debagoiendarrak ziren, baina Nafarroatik ere etorri ziren, eta baita Galiziatik ere. Hauek izan ziren emaitzak:

Prototipoen kategorian:

  1. Ruben Ortiz (Bolkete 4x4).
  2. Jorge Alonso (Proto plasma).
  3. Raul Lopez (Proto Pederña).

Kaleko ibilgailuen kategorian:

  1. Joanes Bazterrika
  2. Ander Altube
  3. Mikel Arroiabe

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.