Koldo Azkoitia: "Enpresa txikiek eta ertainek proiektu berritzaileak sustatzeko zerbitzua da Hazzinova"

Doako zerbitzua da Hazinnova, eta Mankomunitateko Garapen Agentzia da Debagoieneko agentea. Hainbat esparrutako proiektuak garatzeko aholkularitza zerbitzua eskainiko du zerbitzu berriak, eta tamaina txikiko eta ertaineko enpresei dago zuzenduta.

6 eta 99 langile bitarteko enpresei eta bereziki enpresa txikiei zuzentzen zaie Hazinnova. Zerbitzuaren bultzatzaileen artean daude Spri Taldea eta Innobasque.

Lana antolatzeko, produktu nahiz zerbitzuak merkaturatzeko estrategia-ildo berriak ezartzeko, lan moldeak eraldatzeko, produktibitatea areagotzeko... Enpresa bakoitzak bere egoera eta premiak ditu eta Hazinnovaren bitartez berrikuntzaren esparruan garatzeko proiektuak bultzatu gura dira.  Hiru hilabeteko epean gauzatzeko proiektuak izango dira.

Debagoieneko ETE interesatuek Debagoieneko Garapen Agentziarekin jarri behar dute harremanetan.

 

 

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.