Joan den domekan jokatu zuten Debagoieneno Squash Txapelketa. Hamabi jokalarik hartu zuten esku, eta guztira 25 norgehiagoka jokatu zituzten. Lehenengo kanporaketak gaindituta, sei onenak koadro nagusietara sailkatu ziren, eta gainontzeko seiek kontsolazio koadroetan jardun zuten.
Hala, kontsolazio koadroetan Joxe Gorosabel, Igor Ansoategi eta Pablo Moto ibili ziren txapelagatik borrokan. Joxe Gorosabelek bi partidu irabazita eraman zuen saria, eta Igor Ansoategi izan zen azpitxapelduna.Koadro nagusiko 3 irabazleek, berriz, ligaska jokatu zuten: Harriet Arenaza, Borja Garcia eta Aritz Gordo izan ziren hor lehian. Hala, Harriet Arenaza izan zen lehenengo, eta Aritz Gordo bigarren.
Txapelketa bukatu eta gero sari banaketa ekitaldia AlAndaluseko egoitzan egin zuten, eta luntxarekin amaitu zuten txapelketa: "Amaieran squash-aren egoeraren gainean egin genuen berba, eta txapelketaren balorazioa oso positiboa izan bada ere, badugu zer hobetu, bereziki, emakumezkoen parte-hartzeari dagokionez", adierazi du Iñaki Uribe-Etxebarriak.