Kooperatiba izaera
Nahi duten kooperatiba guztiek har dezakete parte, baina hiru kidetako taldeak osatzea da baldintza. Hiruko taldeak 11:00etan abiatuko dira eta 6,3 kilometroko ibilbidea osatu beharko dute.
Publiko guztiarentzat
Kooperatibez gain, lasterketa honetan edozeinek har dezake parte eta bi ibilbide egiteko aukera izango dute: Nordic Walking (6,3 kilometro) eta Oinezkoa (6,3 kilometro). Kasu honetan, 10:30ean irtengo dira ibilbidea egitera.
Izen-ematea
Lasterketa solidario honetan parte hartzeko izena eman behar da eta horretarako bi modu daude: batetik, Mundukideren atarian eta bestetik, egunean bertan, 09:00etatik 10:00etara bitartean, Olatorako aparkalekuan. Epe horretan dortsala jasotzeko aukera egongo da baita ere.
O dortsala
Mozambikeko proiektu honekin bat egiteko aukera dago lasterketan parte hartu gabe. 0 dortsala hamabost euroren truke lortzeko aukera dago eta lasterketako kamiseta izango da oparia. Diru kopuru hori gainera, Laboral Kutxako 3035 0001 59 001 013 0683 kontuan sar daiteke eta kamiseta lortu.
16 urtetik gorako ikasleak
16 urtetik gorako ikasleek edozein probatan parte hartu ahal izango dute bost euroren truke.