Urriaren 4an, ostiralean, izarretara begira jartzeko azken saioa burutuko da Arantzazuko parketxean. Gipuzkoako Parketxe Sarea saio desberdinak burutzen ari da Gipuzkoako natura parkeetan, eta lehen saio hauetako azkena Aizkorri-Aratz natura parkeko inguruetan gauzatuko da, Arantzazun.
Jesus Arregi astronomoa izango da gidaria. Azalpenak emango ditu lehenengo parketxean, eta kanpora aterako dira gero zeruko izarrak behatzeko.
Aurrez eman behar da izena
Egubakoitzean, urriak 4, izango da izarren behaketa Arantzazuko parketxean 21:30etik 23:30era. Prezioa da bost euro (lau kideko familiek 15 euro). Plazak mugatuak dira eta erreserba egitea beharrezkoa da. Horretarako bideak dira: 943 78 28 94, 699 33 51 83 edo arantzazu@gipuzkoamendizmendi.net.
