Lankidetza hitzarmena
Ibil eta Foru Aldundiak sinatutako hitzarmen hau lankidetzan egin da. Izan ere, Ibil enpresaren teknologiari esker, birkarga arrunteko guneak gehituko dira eta karga ultra-azkarrerako azpiegitura zabaldu. Modu horretan, Gipuzkoako erabiltzaileek sei minututan kargatu ahal izango dituzte beraien ibilgailuak. Horrez gain, aparkaleku pribatu zein publikoetan birkarga prozesuak optimizatuko dituzten soluzio teknologikoak garatuko dira.
Kargarako puntu berriak
Hitzarmen honen bitartez, 2020 erdialderako karga azkarreko hiru puntu berri eta karga ultra-azkarreko lau jarriko dituzte, aurretik dauden 33 puntuei gehituz.
Birkarga sarea
Gipuzkoako sare teknologiko eta industrialarekin batera, birkarga sarean energia biltegiratzeko soluzioak garatuko dira. Horri esker, birkarga puntuak ezinezkoak liratekeen tokitan jarriko dira, birkarga estazioen operazio kostuak optimizatuko dira eta energia sorkuntza banaturako elementuekin konbinatzeko prestatuta egongo dira. Bada, Ibil etorkizuneko soluzioak eta birkarga teknologiak garatzen ari da.