Gorlan gora bai, eta Oñatin esprintean ere bai

Martxoan Gorlako Igoeran nagusitu zen Juan Fernando Calle nagusitu da Oñatiko Proban (2.11.39), Lehendakari Txapelketako azken lasterketan. Kolonbiarrak Bergaran erakutsi zuen eskalatzaile ona dela, baina Oñatin bistan geratu da esprintean ere gizon azkarra dela.

Caja Rural taldeko Juan Fernando Calleren garaipenak amaiera eman dio Lehendakari Txapelketari. Tropelak 100 kilometrotako ibilbide bihurriari egin behar izan dio aurre, etengabeko gorabeherekin –batez ere Goierri aldean–. Eta, Oñatiko Unibertsitatearen zuzenera lasterketa erabat apurtuta iritsi bada ere, hiru gizonen arteko esprintean erabaki da lasterketa. Eta Hor, kolonbiarra Asier Etxeberria (Laboral Kutxa) eta Jon Agirre (Baqué - ideus - BH Team) baino azkarragoa izan da.

Debagoiendar onena Aritz Kortabarria (Grupo Eulen) izan da, sailkapen orokorrean hamargarren postuan.

Sailkapen osoa, hemen:

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.