Doako aholkularitza teknologikoa enpresentzat

Eskualdeko enpresen lehiakortasuna hobetzeko helburuarekin, doako aholkularitza teknologikoa eskainiko die Mankomunitateak bailarako mikroenpresei.

Ikastaroen bitartez, enpresa Interneten kokatzeko eta bezero berriak antzematen, sare sozialetan eta online komunitatean enpresa sustatzen, komunikazioetan ziurtasuna bermatzen duten tresna eta jarduerak erabiltzen, fakturazio elektroniko legera egokitzen eta gailu mugikorrak erabiltzen ikasiko dute, besteak beste.

Mankomunitateak jakinarazi du mikroenpresei, autonomoei eta ekintzaileei dagoela zuzenduta, merkataritza eta ostalaritza salbu. Ikastaroa gazteleraz eta Arrasaten izango da. Hain zuzen, izen-ematea egin behar da enpresa@debagoiena.eus helbidean edo 943 79 30 90 telefonoan.

Ikastaroen egunak

Irailak 17, martitzena: Mikroenpresa Interneten.

Irailak 25, martitzena: Fakturazio elektronikoa, faktura elektronikoak sortu eta jaulkitzeko.

Urriak 1, martitzena: Gailu mugikorrak, negozioa eraginkortzeko.

Urriak 15, martitzena: Enpresa eraginkorragoa, barne kudeaketa optimizatzeko.

Urriak 29, martitzena: Zibersegurtasuna.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete