Iazko Pazko jaietan izan ziren katalanak Bergaran, eta, trukean, bihar, egubakoitza, abiatuko dira Bergaratik 43 lagun; horien artean, Bergarako Erraldoien Konpartsako kideak –haurrak eta helduak–, senideak, Elgoibarko eta Arrasateko gaiteroak eta Udaleko ordezkaria.
Bidaia azkarra izango da, domeka arratsaldean etxean egotea da-eta asmoa, herriko San Martin jaietan erakustaldia egiteko.
Reusko 20. erraldoien topaketan parte hartuko dute debagoiendarrek Kataluniako hamahiru talderekin batera. Zapatu arratsaldean, kalejira egingo dute talde guztiek elkarrekin –Bergarakoek hamasei erraldoi eramango dituzte–, baina bestelako ekintzak ere egingo dituzte goizean: bisita kulturala eta harrera instituzionala, besteak beste.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
