Ander Rodriguezek hartuko du Pello Urizarren lekua Eusko Legebiltzarrean

Mirari Altube Arrese 2019ko ira. 10a, 14:39

Pello Urizarrek legebiltzarrean utzitako hutsunea beste arrasatear batek beteko du, Ander Rodriguezek (Arrasate, 1982). Zinegotzi izandakoa da, baita Gipuzkoako Foru Aldundian Gizarte Politiketako diputatua ere. Ekainean dimititu zuen Urizarrek EAko idazkari nagusi kargutik baita legebiltzarkide gisa ere.

Eskarmentu handia du Rodriguezek politikan, Ezker Batuan lehenengo, Alternatiban ondoren, eta, gero Bildu eta EH Bildu koalizioetan. 2003an hartu zuen zinegotzi ardura Arrasateko Udalean eta 2011n, Bilduk Gipuzkoako Batzar Nagusietako hauteskundeak irabazi ostean, Gizarte Politiketako diputatu izan zen. 2007-2011 eta 2017-2019 urte bitarteetan ere izan da batzar nagusietako kide. Orain EH Bilduren legebiltzarkidea izango da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak