Fagor markako etxetresna elektrikoak ekoitziko ditu Amicak

Amaia Agirre, Fagorreko idazkari orokorra; Joxean Alustiza, Fagorreko presidentea; Alina Jankowska-Brzoska, Amicako presidente-ordea eta Jacek Rutkowski, Amicako presidentea.

Fagor kooperatibak eta Amica SA enpresak Fagor marka erabiltzeko lizentzia kontratua sinatu dute. Hori horrela, lerro zuriko etxetresna elektrikoak ekoitzi eta banatu ahal izango ditu multinazional europarrak.

Fagorrek, aurretik, Kantabriako Cantra SL eta Frantziako Euromenage sozietateekin egin zuen hitzarmena, eta horiei eman zien Fagor marka erabiltzeko lizentzia sukaldeko tresnen sektorean eta tamaina txikiko etxetresna elektrikoen sektorean, hurrenez hurren. Dena den, markak Fagor kooperatibarena izaten jarraituko duela argitu dute.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.