Aurrekariak
Plataformak gai honi buruzko aurrekariak eman ditu jakitera: "2017an eta 2018an gai honi buruzko proposamenak aurkeztu izan dira Legebiltzarrean, Elkarrekin Podemos eta EH Bilduren eskutik, baina legea ez da onartua izan gehiengoarekin. 2019ko otsailean, Legebiltzarrean adierazi genuen lege honen premia, Giza Eskubideen Batzordeak egindako txostenarekin batera. Hala ere, EAJ eta PPk ez zuten gure proposamena onartu".
Gogoetak eta proposamenak
Frankismoaren krimenen aurkako Euskal plataformak lege honekin bat datorrela adierazi du, baina hainbat gogoeta eta proposamen eman ditu jakitera: "Ez dugu ulertzen, guk otsailean egindako proposamena ukatu eta orain legea bultzatzea, hala ere, legea bultzatzearekin bat gatoz". Horrez gain, honakoa azpimarratu dute: "Gure plataforma aspalditik ari da egitasmo hau bultzatzen eta ez dugu ulertzen orain arte Legebiltzarrean ez onartu izana".
Era horretan, plataforma honek honako legea proposatzen du: "Lege osoa, plurala eta eraginkorra izatea eskatzen dugu, inpunitatea uxatuko duena eta frankismoaren biktimen duintasuna legez babestuko duena".
Horrez gain, plataformak jakinarazi du, herri ekimena uzteko erabakia hartu duela oraingoz, sinadurak batzen arituko direlako lau hilabetez.