Irteera operazioa
Trafiko Zuzendaritzak aderazi du, asteburu hau eta hurrengoa izango direla gorabeheratsuenak. Horretarako, seinaleztapen-operatibo bereziak jarriko dira EAEko hainbat tokitan, besteak beste, Etxabarri Ibiñan, AP-1 eta N-622 errepideen arteko loturan, Gasteizerako noranzkoan eta N-622 eta A-1 errepideen elkargunean, Burgos eta Madrilera bidean.
Trafiko Zuzendaritzaren kanpaina
Gidatu, besterik ez kanpainari esker, Trafiko Zuzendaritzak kontzientziazio mezuak hedatu ditu, telebistan, irratian eta sare sozialetan, prebentzio gisa. Mezu horien oinarria arrisku faktoreak dira, besteak beste, abiadura desegokia edo gehiegizkoa, alkoholaren eta drogen kontsumoa eta lo-gabezia.
Gomendioak
Trafiko Zuzendaritzak hainbat gomendio ematen ditu, bidaia hasi aurretik eta errepidean, kontuan hartu beharrekoak. Horiek www.trafikoa.eus atarian kontsulta daitezke.
G7aren gailurra Biarritzen
Abuztuaren 23tik 26ra bitartean, Biarritzen egingo da G7aren gailurra eta horren ondorioz, Trafiko Zuzendaritzak Euskadiko mugako pasabidea saihestea gomendatu du.