Antolatzaileen eta ekoizleen esanetan goiza motel samar hasi den arren, eguraldia eta giroa lagun heritarrak animatu dira gaur Arrasaten egin duten Debagoieneko VI. Txakolin Egunean. Aurtengo edizioan ibarreko hiru txakolin ekoizlek hartu dute parte ekimenean: Oñatiko Murgialdaik eta Belaskuak eta Arrasateko Otxiak.
Dastatze gidatua
Interesa izan duenak, gainera, Arteaga jatetxeko sommelier Maider Larrañagaren laguntzarekin hiru txakolinen dastatzea egin ahal izan du. Eta edandakoak gehiegi ez eragiteko, Aretxabaletako Zaloña Aurrekoa baserrikoek prestatutako hanburgesak jateko aukera ere egon da. 200 hanburgesa banatu dituzte denera, terreñu motako behien okelarekin egindakoak.
