Webgune ofizialak eta baimenduak
Joko eta ikuskizun zuzendaritzaren kanpainak honako hau gomendatu du honen harira: "Ikuskizun baterako sarrerak internet bidez erosi nahi direnean, garrantzitsua da webgune ofizialak edota baimendutakoak erabiltzea". Gainera, jendaurreko ikuskizun eta jolas jardueren 10/2015 legearen 17. artikuluan adierazten dira webgune horietan sarrerak eta eserlekuak saltzeko baldintzak, antolatzaileek identifikatuta izan behar dituztelarik, herritarrei saltzen zaizkien sarrera horiek zein bidetatik eta non eros daitezkeen.
Sarrerek izan behar duten informazioa
Aipatutako legean adierazten den denez, internet bidez saltzen diren sarrerek honako informazio hau izan behar dute: antolatzailearen identifikazioa, ikuskizuna edo jarduera, tokia, eguna, hasiera eta amaiera ordua, eserleku mota eta zenbakia eta itzulpena egiteko baldintzak.
Horrez gain, lege horren 39. artikulutik 49. artikulura bitartean aipatzen da, antolatzaileek, sarrerak jendeari zuzenean saltzeko jarriko diren salmenta puntuak eta kanalak adierazi behar dituztela.