Aitor Arregiren 'La trinchera infinita' filmaren kartela aurkeztu du Moriarti ekoiztetxeak

Argazkiak (La Trinchera Infinita)

Udazkenera arte itxaron beharko da Antonio de la Torre eta Belen Cuesta protagonista dituen pelikula ikusteko, baina poliki-poliki gero eta xehetasun gehiago ezagutzen dira. Filma urriaren 31n estreinatuko da zinemetan, baina baliteke aurrez Donostia Zinemaldian ikusgai egotea.

Aitor Arregik, Jon Garañok eta Jose Mari Goenagak duela gutxi amaitu dute filmaren muntaia eta aste honetan aurkeztu dute kartela. Andaluzia eta Euskal Herria artean grabatu zuten iaz La Trinchera infinita; Loreak eta Handia filmekin ez bezala, kasu honetan gaztelaniaz grabatu dute.

'La trinchera infinita' filmaren kartela

Fikzioak Espainiako gerraren ondorioz 33 urtez etxean ezkutatuta egon den Higinio Blanco pertsonaiaren istorioa kontatuko du. Hilabete gutxi daramatzate ezkonduta Higiniok eta Rosak Gerra Zibilak eztanda egiten duenean eta orduan, Higinioren bizitza arriskuan dagoela ikusten dute. Emaztearen laguntzarekin etxean bertan zulo bat egiten dute Higinio ezkutatzeko. Behin behineko irtenbidea zena 33 urtez luzatzen da. Protagonisten arteko maitasuna eta batez ere, beldurra du ardatz pelikulak, errepublika-zaleak izateagatik eta Francoren altxamendua gauzatuta etxetik ateratzeko beldurra.