Hamabost egunetarako egonaldia prestatu die Basquet Beats Borders ekimenaren antolatzaile Oihana Alberdi Elorriagak, askotariko eragileen laguntzarekin: "Bi urtetan Erroman egin dugu eta aurten, Euskal Herrian. Helburua da, hitza ematea hitza ez dutenei eta ikustaraztea, batez ere, genero ikuspegitik, eta emakumeek euren espazioa izatea. Basquet Beats Borders batez ere da, istorio hunkigarri bat saskibaloiaren bitartez aurrera ateratzea ".
Bederatzigarren eguna dute gaurkoa, domeka, eta Debagoienean dira; Bergarako saskibaloi taldeko neskekin entrenatu eta jokatu dute goizean Seminarixoko patioan, eta, arratsaldean, 18:30ean hasita, beste entrenamendu saio bat egingo dute, Arrasateko Musakolako kiroldegian Ontxe taldeko neska taldearekin, Iñaki Ruiz de Ogara, Arri-k gidatuta.
Ekimenaren gaineko erreportajea bihar Hemen Debagoiena saioan ikusgai.
