Gomiztegi, Lamariano azpikoa eta Ama-txo baserriek ateak irekiko dituzte asteburuan

Euskal Nekazarien Batasunak (ENBA) abian jarritako 'Ongi Etorri Baserrira!' ekimenaren baitan, Oñatiko Gomiztegik eta Antzuolako Lamariano azpikoa eta Ama-txo baserriek ateak zabalduko dituzte bihar eta etzi.

Gomiztegiko bisita bihar izango da eta Antzuolakoak berriz, zapatuan, bisita guztiak 11:00etatik 14:00etara bitartean izango direlarik.

Seigarrenez

Aurtengoa Ongi Etorri Baserrira! ekimenaren seigarren edizioa izango da eta asteburu honetan, Gipuzkoa eta Bizkaiko 36 baserritarrek beraien baserrietako ateak zabalduko dituzte beren ikuiluak, baratzak eta landaguneak ezagutzera emateko helburuarekin. Hala, herritar guztiei zuzendutako bisitak izango dira.