Eskabide-orria Debagoieneko Mankomunitateko webgunean edota hara joanda jaso daiteke."Hazilan proiektuak eskualdeko pertsona kualifikatuen laneratzea erraztea du helburu eta bi fasetan banatzen da: has-teko, konpetentzia pertsonal eta profesionaletan trebatzeko 80 orduko tailer batean parte har-tzen dute, eta, ondoren, eskualdeko enpresetan praktikak egiten dituzte, lanmerkatura hurbildu eta lan-esperientzia hartzeko helburuarekin", azaldu du Mankomunitateak.
Parte hartzeko baldintzak honako hauek izango dira: 20-44 urte bitartean izatea, goi-mailako ikasketak amaituta izatea –lanbide heziketako goi-mailako ziklo bat edota unibertsitate ikasketak– eta Debagoieneko herriren batean erroldatuta egotea. Langabe egotea ez da ezinbesteko baldintza izango.
Aurkezpen jardunaldia
Proiektuaren berri emateko eta zalantzak argitzeko, uztailaren 4an, eguena, 10:00etan, aurkezpen jardunaldi bat egingo du Mankomunitateak, Arrasaten duen egoitzan. Hara joateko interesa izanez gero, 943 79 30 90 telefo-nora deitu edo hazilan@deba-goiena.eus helbide elektronikora idatzi behar da.
