Aurtengoa Ongi Etorri Baserrira! ekimenaren seigarren edizioa izango da eta uztailaren 5ean eta 6an, Gipuzkoa eta Bizkaiko 36 baserritarrek beraien baserrietako ateak zabalduko dituzte beren ikuiluak, baratzak eta landaguneak ezagutzera emateko helburuarekin. Hala, herritar guztiei zuzendutako bisitak izango dira.
Uztailaren 5ean izango da Oñatiko Gomiztegi baserrira bisita eta hurrengo egunean, uztailaren 6an, Antzuolako Lamariano azpikoa baserria eta Ama-txo gaztaindegira izango dira bisitak.
Izen-ematea
Bisitak 11:00etatik 14:00etara bitartean izango dira eta izena emateko azken eguna uztailaren 1a izango da. Horretarako, antolatzaileek www.ongietorribaserrira.eus ataria jarri dute eskuragarri. Bisitak doakoak izango dira eta parte hartzen dutenen artean, zozketak egingo dira.