Elkarretaratzeak herriz herri
Arrasate, Oñati eta Antzuolan egingo dituzte elkarretaratzeak. Arrasate eta Oñatin herriko plazan izango dira, 19:00etan hasita. Antzuolan berriz, Zurrategi plazan elkartuko dira, 19:30ean.
Bergarako Udalaren gaitzespena
Bergarako Udalak ohar bidez honako hau jakinarazi du: "Aste honetan Urruñako emakumearen erailketa eragin duten eraso sexistak gaitzetsi ditu Bergarako Udalak. Halaber, biktimen senitarteko eta adiskideei elkartasun osoa adierazi nahi die. Indarkeria matxistaren azken kasu hau salatzeko, Euskal Herriko Emakumeen Mundu Martxa kolektiboak Indarkeria sexistari aurre egin lelopean deitu duten kontzentrazioekin bat egiten du Udalak".
