"Urtarrilean bertso musikatuen saioa bat egin genuen Aretxabaletan. Bergarako bertso eskolakoak Aretxabaletan egon ziren eta asko gustatu zitzaien ikusitakoa. Hala, pentsatu genuen zerbait egin genezakeela elkarrekin", azaldu du antolatzaile lanetan ibili den Mikel Mendiarazek. Bi bertso eskolen arteko harreman onaren seinale da biharko saioa.
Bertso musikatuak
Lehia horretako "epailea" Ibon Leibar Txinbo izango da. "Talde bakoitzetik sei bertsolari ibiliko dira kantuan", dio Mendiarazek. Bertso musikatu saioa izanda, musikariak ez dira faltako: Aitor Ziardegi eta oraindik zehaztu barik dagoen beste musikari bat izango dira agertokian, desafioari musika jartzen.